ممكن امشى...؟؟؟

ممكن امشى من هنا

يا دنيا مليانه بالانا

ولا بقى فيها صديق

ولا بقى فيها رفيق

كلها كلها خنقة وضيق

يمكن الاقى طريق؟؟

مين اللى قالك يا دنيا غنوة

اه انتى غنوة بس حزينة

غنوة كئيبة مالهاش قيمة

قيمة الدنيا فى ضمير صافى

فى نصيب يرضى النفس يكافى

فى صديق ينفع وقت الضيق

ينفع يبقى رفيق لطريق

خل يضئ زى المصباح

تبقى العتمة طريق لنجاح

الراهب

راهب فى محراب الحب

عنده قلب بمليون قلب

حبه عطاء وكمان بسخاء

زى النبع بيفيض ماء

راهب ايوة خير وحنان

عنده عطايا اهل زمان

عايش زمنه من غير زيف

يملك قلب لكل ضعيف

يحتوى ده ويداوى ده

يحضن ده ويواسى ده 

يملك كل قلوب الناس

تحيا معاه اجمل احساس

بس تفوق على انك لازم

تنسى الدنيا وتحيا حياته

عنده القوة ودايما عازم

يدى ويمنح ناكر ذاته

اتعب لما اعيش وياه

ما انا مش عارفة اضاهى عطاه

قلب الورد

تعرف ايه عن قلب الورد؟؟
تعرف ان مكانه مكنون
ولا بتشوفه اى عيون
اصله مصون قلبه حنون
بص له بس ما تلمسهوش

قرب بس ما تمسكهوش
لمسه..تتعب قلب الورد
ماسكة بتجرح قلب الورد
قلب رقيق مليان احساس
همه يهنى قلوب الناس
قلبك جنبه ينهل منه
عمرك يوم ما حتبعد عنه
واذا حتبيعه ..مش ح يبيعك
ماهو من يوم ما عرفته حبيبك

الحلم الضايع

يا حلم ضايع شوفته
لكن عمرى ما قابلته
يا حلم ضايع حبيته
لكن عمرى ما رايته
يا عيون بتتكلم عرفتها
ولكن عمرى ما لمحتها
احاسيس وكنت دفنتها
مشاعر وياما اهملتها
فات المعاد وخسرتها
وماليش رغبه ارجع لها
كل اللى فات..فات خلاص
ما بقاش مكان للاخلاص
حلوة الحياة.... وبنعيشها
وبنموت من غير ما نعيشها
مش فاهمين...مش عارفين
حكمة رب العالمين......

ايه الحل؟؟

كل ما ابعد الاقينى باقرب
ارفض فكرة الاقينى باجرب
اعمل ايه ما انا مجروحة
قال انا سكنة قلبه وروحه
انا انسانة ...انا قلقانة
شوفت فلان وعرفت فلانة
بس الاخر مش ندمانة
لحظة باحس ان انا غرقانة
ساعة باحس ان انا هيمانة
طايرة وباحلم زى ملاك
اجرى اكعبل هنا وهناك
انا انسانة زى فلان وفلان وفلانة
نفسى نعيش دنيا جميلة
بس الدنيا مش عايزانا

حلم.....خيال.....وهم.....منام

التقينا بعد البعا د
واتقابلنا من غير ميعاد
وكأن بينا كان فى وعد
ده احنا حتى ما نعرفش بعض
ايه اللى بينا ؟ معرفش حاجة
لكل احساس انا محتاجة
هو خيال؟؟ ولا امال؟؟
لا ده سراب وسط ضباب
حبيت اوصله..امشى فى ضله
ماهو مفيش للقلب فاضله
الا الحلم يتحقق له
حلم ده كان ولا منام
قومى اوام وبلاش اوهام
حتى الحلم اللى اتمنيته
جيت اوصله انا مل لقيته

اشهد يا زمان

نبض الحياة وقولة الاه
فى كلمة اتقالت وانا معاه
كنت معاه انادى نداه واقول وياه
فيه حاجز اه فيه مانع اه...بس معاه!
ايوة معاه اناجى هواه هو بيسمع وانا مامعاه
فى لحظة اقول وهو يقول وكل الكون بيقول الاه
مين البادى ما بتفرقش مين الاول ما بنسألش
هو معايا وانا معاه هو يقول وانا سامعاه
قول يا زمان واحكى يا ايام

هو بيبعد.....وانا سامعاه......اه ويااااااااه